УВЕР ЙОГЫН

Йӱлана тек илана: Кумалме жап

Кызыт марий-влак Агавайрем да кеҥежымсе кумалтышыш лекташ тӱҥалыныт. Теве кодшо рушарнян Моско область Дмитровский районысо Киндяково курыкыштат шошо кумалтыш эртен. Ты курыкшым тусо марий-влак Кинде курык маныт. Тушто мотор памашат уло. 

Республикысе Марий юмыйӱла ушемын увертарымыж почеш, шошымсо да кенежымсе кумалтыш Кугураклан (Курык Кугызалан) лиеш. Игече мотор, шурно лектышан лийже, кӱтӱш лекше вольыкат сайын тӱланыже, пакча-саскат сайын тырлыже манын пелештат. Кеҥежымсе пӱртӱсын осал вийже дечын аралтышым йодын кумалыт.

Кумалтыш-влак тыгай радам дене эртат:

8 июнь — Марий Турек район Сардаял, Тошкем;

10 июнь — Марий Турек район Арбор, Ӱлыл Турек;

16 июнь — Йошкар-Оласе Пӱнчер отын Тумер аланыштыже Агавайрем кумалтыш;

17 июнь — Марий Турек район Кӱшыл Турек, Кӱшыл Мосара; Советский район Вечын кундем тиште кумалтышыш лектеш; Ӧрша Курык кугызалан кумалеш;

24 июнь — Советский район Ваштаршӱй, Шанер Вӱдавалан, Тапшер Вӱдавалан кумалыт;

Тений Киров кундемыште Чумбылат курыкышто кугу кумалтыш 24 июньышто лиеш. Тудлан Республикысе юмыйӱмла ушемын Шернур районысо общиныже вуйын шога. Тудын пунчалже почешак кумалтышым лач ты кечын эртараш палемдыме, молан манаш гын Юмыйӱла ушемын календарьыштыже тудо 16 июньышто лиеш манын ончыкталтын.

1 июль — Советский район Шем памаш кундем Кундыш кугызалан кумалеш.

С.Носова.

Опубликовать в Одноклассники

Добавить комментарий