Россий Федераций Социальный фондын Марий Элысе пӧлкажын пашаеҥже-влак «Чылажат – Сеҥымашлан» акцийыш ушненыт.
Ты гана нуно Общероссийский калык фронтын Марий Элысе пӧлкашкыже 173 упаковко салфеткым, 20 упаковко нершовычым да 148 мужыр носким намиен пуэныт.
«Пашаеҥна-шамыч военный спецоперацийыште участвоватлыше сарзе-влаклан полшымо чыла акцийыш кумылын ушнат. Марий Эл гыч пӧръеҥ-шамыч элнан тыныс илышыжым лӱддымын аралат, а ме эн шагалже мом ыштен кертына гын, тиде – гуманитар полышым поген колтен», – палемда РФ Социальный фондын Марий Элысе пӧлкажын управляющийже Владимир Орехов.
М.ИВАНОВА
Фотом интернет гыч налме