ПОЛИТИКЕ

Теве тудо могай!

Сайлымаште эн тӱҥ документ – бюллетень. Тений сентябрьыште эртышаш сайлымаште кажне избирательлан 3 бюллетеньым пуат: кокытым – Кугыжаныш Погыныш, иктым – муниципал кӱкшытыш депутат-влакым сайлышашлан.

Шояк бюллетеньым ыштыме деч аралаш манын, тудым ямдылыме годым тӱжвал велышкыже кок тӱрлӧ тӱсан сеткым вераҥдыме. Республиканский избирательный округышто йӱклаш тудо ужар, ик мандатан избирательный округышто йӱклаш кына (розовый) тӱсан лийыт.

 

Бюллетеньыште возалтеш:

  • сайлымаш кузе маналтме
  • избирательлан инструкций-влак
  • кандидат-влакын спискышт
  • йӱклаш графа-влак
  • избирательный комиссийын печатьше.

 

Шарныза, кажнын йӱкшӧ кӱлешан! Бюллетеньым тӱткын шымлыза, кӧн верч йӱклышашым сайын шоналтыза да ончыкылыкым ыштымашке ушнаш пуалтше йӧн дене пайдаланыде ида код!

Л.Камалетдинова

 

Опубликовать в Одноклассники

Добавить комментарий