Йошкар-Ола уремым эрыктымашке кок у комбинированный машина (КДМ) лектын.
Тиде коммунальный технике гына огыл, тудо универсальный: кӱлеш оборудованийым вашталтымек, корным эрыктымаште тӱрлӧ сомылым шуктен кертеш, возен шке соцлаштыкыштыже мэр Евгений Маслов.
Шошым КДМ-ым корным, тротуарым ӱштын эрыктымаште, ошмам да тыгыде кӱм, тыгак телым погынышо ошма вартышым шупшыктымаште кучылтыт.
А телым ияҥше корнышко ошмам да шинчалым шаваш келыштарат.
Нине машина-влакым Курганысе «Дормаш-К» заводышто, «Ола» пердпиятийын шуктымо пашаж дене келшышын, техзаказ почеш ыштыме. «Машина-влакын кузе ыштымыштым тергыме годым иктыже изишак пудырген. Но экшыкым кораҥдыме, кызыт кок техникыжымат ола уремым эрыкта», – палемден мэрын икымше алмаштышыже Лев Покровский.
Л.СЕМЕНОВА
Фотом Йошкар-Ола администрацийын официальный сайтше гыч налме
