28 март гыч Йошкар-Олаште уремлам эрыктыме шошымсо месячникым увертарыме.Тӱҥ шотышто лум йымач лекше шӱкшак-куштырам эрыктат, изи архитектур да светофор объектлам, корнысо пале-влакым, памятниклам да чарналтыш павильон-влакым ачалкалат. Тений кум субботникым эратараш палемдыме: 6-шо, 15-ше да 22-шо апрельлаште. Йошкар-Олан мэрийже чыла предприятий да организацийлаште тыршыше, тыгак оласе калыкым паша пайремыш ушнаш ӱжеш.
Л.СЕМЕНОВА
Фото: интернет гыч
