Марий кугыжаныш университетыште аэробике дене у зал почылтын.
Кызытсе жаплан келшыше оборудованиян кумдыкым вузын физический культур, спорт да туризм факультетыштыже ыштыме.
Аэробике зал тунемме программе дене занятийым эртараш гына келыштаралтын огыл, тушко студент-влак яра жапышт годым кап-кылым шуараш, мастер-классым ончаш, тренировкыш толын кертыт.
Г.Кожевникова
Фотом Марий кугыжаныш университетын соцкылысе лаштыкше гыч налме
