Марий Элыште шыже кумалтыш-влакым эртарат. Тӱня кумалтыш тений Кужэҥер районысо Ош Куэр отышто 15 октябрьыште лиеш. Тидын нерген республикысе Марий юмыйӱла ушемын кагаз пашжым виктарыше Галина Ласточкина увертарен. Лудшына-шамычымат тудым эртарыме радам дене палдарена.
17 сентябрь – Кужэҥер район Пекесола, Советский район Ваштаршӱ отылаште; ;
21 сентябрь – Советский район Кугэҥер ял отышто;
24 сентябрь – Кужэҥер район Салтакъял (Кенча кӱсото), Йывансола, Советский район Пивактын почиҥга отылаште;
1 октябрь – Кужэҥер район Чашкаял, Советский район Кукмарий, Шуймучаш, Кундушӱмбал, Параньга район Тошкемнур отылаште, Йошкар-Оласе Тумер отышто.
8 октябрь – Кужэҥер район Тумньымучаш, Советский район Тапшер отылаште; Марий Турек районышто Тӱрек Суртанлан кумалтыш лиеш.
22 октябрь – Советский район Кугунур отышто.
С.Носова
