10-11 апрельыште И.С.Палантай лӱмеш тӱвыра да сымыктыш колледжын Национальный гимназийыштыже икымше гана В.Шапкиным шарныме лӱмеш республик кӱкшытан конкурс лиеш.
Тушто йоча сымыктыш школлаште духовой да ударный семӱзгарым шоктышо-влакын мастарлыкыштым тӱрлӧ номинацийыште аклаш тӱҥалыт.
Виталий Владимирович – флейтист, РСФСР-ын сулло артистше, кум книган авторжо.
Шернур районысо Тумерсола ялын эргыже И.С.Палантай лӱмеш музыкальный училищыште, тыгак Моско концерваторийыште мастарлыкшым шуарен. Вузым пытарымекыже Йошкар-Олашке пӧртылын да сымыктыш аланыште чолган пашам ышташ тӱҥалын.
В.Шапкин кушкын толшо тукымым музыклан шӱмаҥдымаште ятыр ий тыршен, музыкальный театрын оркестржын солистше лийын.
Конкурсыш ушнаш йодмашым 25 март йотке konkursvshapkina@mail.ru электрон адресыш пуэн шуктыман.
А.БАЙКОВА.