20-26 апрельыште Э.Сапаев лӱмеш опер да балет академический театрыште Балетын артистше ден хореографше-влакын всероссийский конкурсышт эрта.
Тудым пайремлын почмо кечын театр сценыште Моско оласе К.С.Станиславский да Вл.И.Немирович-Данченко лӱмеш академический музыкальный театр «Блум/Четыре/Маленькая смерть» спектакльым ончыкта.
Конкурсышто Российын 9 олаж гыч 16 хореограф таҥасаш тӱҥалеш. Пытартыш кечын лауреат-влак гала-концертыште мастарлыкым ончыктат. Сеҥышыш лекше-шамычлан диплом ден медальым кучыктат да I, II, III лауреат лӱмым налше-влаклан Э.Сапаев лӱмеш, Воронеж оласе але Башкортостанысе кугыжаныш опер да балет театрлаште 2023-2024 тургымышто балетым шындаш йӧн пуалтеш.
Мероприятий жапыште участник-влаклан усталык лабораторий, вашлиймаш, мастер-класс да лекций-влак эртаралтыт.
А.БАЙКОВА