Август гыч саргурал нерген законыш пуртымо вашталтыш вийым налеш, пашам ыштыше пенсионер-влакын пенсийышт кугемеш, а Федеральный налог инспекций налогым тӱлышӧ гражданин нерген уверым моло организацийланат пуэн кертеш. Тидын нерген РФ Кугыжаныш Думын телеграм-каналыштыже возат.
«Пашам ыштыше пенсионер-влакын страховой пенсийыштым угыч шотлат. Тидым ий еда йодмаш деч посна ыштат. Пенсийым пашам пуышын эртыше ийын тӱлымӧ страховой взносшын суммыжым шотыш налын кугемдат, сандене ешартыш икгай огыл, кажнын тӱрлӧ лиеш», – палемден Вячеслав Володин.
Эше ик вашталтыш самозанятый-шамыч дене кылдалтын – август гыч нуно учётыш кугыжаныш услугын порталже гоч шогалын кертыт. Тиде тылзе гычак да тиде портал гочак ЕАЭС, ДНР да ЛНР гыч граджан-шамыч регистрироватлалтын сеҥат.
Август гыч Федеральный налог службо налогым тӱлышӧ нерген уверым гражданинын келшымыж почеш моло организацийлан пуаш правам налеш – тиде налог тайным пудыртымылан огеш шотлалт. Саргурал нерген законыш пуртымо вашталтыш сонарлыме кужу йытыран огнестрельный саргуралым налме шотышто йодмаш-влакым рашемда. Тылеч посна саргуралым налаш права уке гын, тудым коллекцинироватлашат чаралтеш.
М.ИВАНОВА
