КУЧЕМЫШТЕ

Саламлен да пӧлек дене куандарен

Марий Элым вуйлатыше Юрий Зайцев «Солнышко» интернат-пӧртын воспитанникше-влакым шушаш У ий дене саламлен.

Калык илышым саемдыме шотышто министрын пашажым шуктышо Марина Островская Ю.Зайцевлан кочмыверым, стоматологический кабинетым, массаж кабинетым ончыктен да тӧнежыште пытартыш кум ийыште кугу вашталтыш лиймым палемден. Мутлан, кызытсе оборудований дене шыҥдарыме кочмывер пеш чапле йоча кафеш савырнен. Модмо, спорт, реабилитаций, релаксаций кумдык-влаклан шелме спорт-модмо залым олмыктымо, тушко тӱрлӧ оборудованийым налме. Тылеч посна социально-медицинский реабилитаций отделенийым капитально ачалыме.

У ий пайремыште Ю.Зайцев ӱдыр-рвезе-шамычлан шере пӧлекым кучыктен, а йоча пӧртлан кок интерактивный панельым налаш сертификатым пуэн.

Мероприятийыште интернат-пӧртын 40 воспитанникше, воспитатель, оласе тӱвыра паркын артистше, уна-влак участвоватленыт.

Марий Эл Республикым вуйлатышын администрацийжын увер паша шотышто пӧлкажын уверже негызеш М.ИВАНОВА ямдылен

Опубликовать в Одноклассники

Добавить комментарий