3 июль гыч Марий Элыште муниципал сайлымашлан ямдылалтмаш тӱҥалеш.
Республикыште илыше-влак муниципал кӱкшытан 51 депутатым сайлат. Йӱклымаш тений 18, 19 да 20 сентябрьыште Кугыжаныш Думыш сайлымаш дене иквереш эрта.
Курыкмарий, Кужэҥер да Юрино округлаште депутат-влакын составышт тӱрыс уэмдалтеш. Ешартыш сайлымаш-влак Йошкар-Олаште да Волжскышто лийыт. Кок вережат кок депутатын полномочийышт жап деч ончыч пытымылан кӧра весым сайлат.
Сайлыше-влак участкыш миен, мӧҥгыштышт (тыгай йӧн посна тӱшка еҥ-влаклан пуалтеш) да онлайн йӱклен кертыт.
Любовь Камалетдинова
