2023 ий 1 январь деч вара «Российын Геройжо» да «Пашан Геройжо» лӱмым налше-влаклан тылзе еда тӱлыман окса выплатым йодмаш деч посна оформитлат.
Нине лӱм дене палемдалтше граждан-влаклан тылзе еда тӱлыман выплатым налшашлан нимогай документым кондыман огыл – тудым Социальный фонд лӱмым пуымо факт негызеш йодмаш деч посна палемда.
Чыла данный Социальный фондыш лӱмым пуымо нерген ходатайствым колтышо орган ден организацийла гыч пура. Тылзе еда тӱлыман выплатым палемдыме нерген увер кум паша кечыште колталтеш. Выплате лӱмым пуымо кече гыч палемдалтеш.
Тымарте выплате йодмаш да лӱмым пуымым пеҥгыдемдыше документ негызеш палемдалтын. Кызыт тидым орган ден организацийла гыч уверын ала-могай амаллан кӧра толдымыж годым веле ыштат.
2023 ий 1 февраль гыч Совет Ушемын да Россий Федерацийын Геройжо, тыгак Чап орденын тичмаш кавалерже-влаклан тылзе еда 83496,41 теҥге кугыт выплатым тӱлат, Социалистический Пашан да Россий Федераций Пашан Геройжо, тыгак Паша Чап орденын тичмаш кавалерже-шамычлан – 61566,28 теҥгем.
Герой-шамыч выплатын окса формыжым але натуральный льготым ойырен налын кертыт. Социальный полышын видшым Кугыжаныш услуго портал гоч вашталташ йӧн уло.
Марий Элыште палемдыме выплатым Социалистический Пашан ик Геройжо налеш. Выплатым Россий Федерацийын колышо Геройжын ешыжат налын кертеш, республикыштына тыгай права дене кум еҥ пайдалана.
М.ИВАНОВА
Фотом интернет гыч налме
