26 июнь гыч 3 июль марте каныме да тазалыкым пеҥгыдемдыме «Таир» рӱдерыште республикысе самырык туныктышо да нунын наставникыштлан регион кӱкшытан XIII форум эртен.
Ий гыч ийыш тушко ушнышо-влакын чотышт кугем толеш. Тений мероприятий Российын 41 субъектше гыч 280 туныктышым да опытан педагогым иктеш чумырен.
Арня наре жапыште участник-влак регион да всероссийский профессионал мастарлык конкурслаште сеҥыше да финалист-шамыч дене вашлиймаш, тӱрлӧ тренинг, лекций, семинар лийыныт. Тыгак нуным республикысе ик эн ончыл образовательный организацийла дене палдареныт.
Г.Кожевникова
Фотом Марий Эл Образований да науко министерстве гыч налме.
