КУЧЕМЫШТЕ УВЕР ЙОГЫН

Рӱдӧ кӱварым олмыктымаште

Марий Эл вуйлатышын пашажым жаплан шуктышо Юрий Зайцев кодшо шуматкечын Йошкар-Оласе ятыр объектлам терген.

Изи Какшан гоч Рӱдӧ кӱварым олмыктымо паша кузе кайыме нерген каласкалымыж годым «Марийскавтодор» компанийын директоржын алмаштышыже Дмитрий Земсков палемден: «Пашам 2 июльышто тӱҥалме, 20 августланрак автомашина-влак кудалыштме корным кок велымжат почаш ямдылалтына. Тылеч вара тротуарым шотыш кондена, кӱртньӧ авыртышым ыштена». «Могай лӱдыкшӧ, чарак улыт?» йодышлан Д.Земсков тыгерак вашештен: кӱварлан кугу нелыт логалмылан кӧра плитала кокласе деформаций ушем-влак локтылалтыныт, гидроизоляций пудырталтын. Чыла экшыкым кораҥдыме. Кӱвар йымалсе пашам 31 октябрь марте ыштен шуктышаш улына. «Кӱвар ойыртемалтше инженерный сооруженийлан шотлалтеш, шот дене ыштыман, сандене лучо вашкыман огыл», – палемден Юрий Зайцев.

Л.СЕМЕНОВА

Д.РЕЧКИНЫН фотожо

Опубликовать в Одноклассники

Добавить комментарий