18 май гыч республикысе общеобразовательный школлаште выпускник-влаклан «Пытартыш йыҥгыр» пайрем-влак эртаралташ тӱҥалыныт. 2022 ийыште Марий Элыште 11-ше классым чылаже 2819 ӱдыр-рвезе тунем пытара, 9-ше классым – 6826 еҥ.
Пытартыш ийлаште тиде мероприятий заочно лийын, но тений Россий Федерацийын Просвещений министерствыжын темлымашыже почеш элыштына тудо очно йоҥгалтеш. А вара – Иктешлыше кугыжаныш экзамен. Тений тудым республикыштына 897 еҥ кучаш тӱҥалеш, тӱҥ этапше 26 май гыч 2 июль марте эрта.
Фото Йошкар-Оласе администрацийын образований виктемже гыч.