Марий Эл правительстве предсеательын алмаштышыже-тӱвыра, савыктыш да калык-влакын пашашт шотышто министр Константин Иванов «Российская газета» филиалын директоржо Арсений Бабенко дене вашлийын.
Нуно регионын правительствыже ден Россий Федерацийын официал печатный органже дене вашкылым ыштыме шотышто мутланеныт. Кугу тӱткышым республикын брендше-шамычым, регион-влак кокласе увер коммуникацийым вияҥден толмо йодышлан ойыреныт. Констанин Иванов элнан ик эн кугу медиаходлингше дене партнёр семын шуктышашлык пашан кӱлешлыкшым палемден. Пырля шуктымо паша Марий Элыште лийше событий-влак нерген тӱшка калыкым палдарен шогымым саемдышаш да федерал кӱкшытыштӧ республикын темлымашыже-влакым илышыш шыҥдараш полшышаш.
Арсений Бабенко шке велым ваш келшен пашам ышташ ямде улмым пеҥгыдемден да пырля проект-влакым илышыш шыҥдарыме шотышто икмыняр раш темлымашым ыштен.
Вашлиймаште диалогым ончыкыжымат шуяш да пырля шуктышашлык ошкыл-влаклан планым ямдылаш кӱлмӧ нерген мутланен келшеныт. Ушештарен кодыман, тылеч ончыч «Марий Эл» увер агентстват «Российская газета» дене ваш келшен пашам ыштыме шотышто ойпидышым ыштен.
Светлана Носова
Снимкыште: вашлиймаш годым.
Фотом Марий Элын Тӱвыра, савыктыш да калык-влакын пашашт шотышто министерствын лаштыкше гыч налме.
