КУЧЕМЫШТЕ МЕДИЦИНЕ

ПРЕЗИДЕНТЛАН ТАУШТЕН

Йошкар-Олаште Перинатальный рӱдерын акушерско-физиологический корпусшым капитально олмыктен шуктымо.

Ик-кум веран да посна душевоян йӧнан палате-влак, инновационный оборудований, кызытсе жаплан келшыше у мебель, пациент-шамычым выписатлыме сылне пӧлем – чыла тидым Россий Федераций президентын полшымыж дене ыштен кертме.

Ӱмаште Марий Элым вуйлатыше Юрий Зайцев Владимир Путин деке Перинатальный рӱдерын тошто зданийжым олмыкташ полшымо йодыш дене лектын. Тылеч ончыч рӱдерын кӱкшӧ технологиян у корпусшым почмо, да азам ыштыме отделенийым акушерско-физиологическийыш келыштараш пунчалыныт. Но тиде пашалан кугу окса кӱлын.

Средствам ик тылзе жапыште ойыреныт, да пашам тӱҥалме веле. Корпусым капитально олмыкташ 332,4 миллион теҥгем колтымо, тышечын 264 миллион теҥгежым – федеральный бюджет гыч.

Шошым пашам мучашлыме – чыла помещенийым санитарный йодмаш-влаклан келшышын уэмден олмыктымо. Тылеч посна ава-шамычын икшывышт дене пырля лийын кертме азан патологийже да жап деч ончыч шочшо йоча-влакын отделенийыштым почмо.

Медицине мебельым налаш республикын бюджетше гыч 15,7 миллион теҥгем ойырымо. Тиде окса дене медицине ӱстембал ден шкаф, кровать воктек шындыме тумбо, диван, кровать-трансформер-влакым да азам ончымо мебельым налме.

1 июньышто Марий Элым вуйлатыше Юрий Зайцев уэмдыме корпусыш миен, тушто помещений-влакым ончен савырнен, медицине персонал дене мутланен да шке шонымашыжым каласен.

«Мо ыле да мом ыштыме – пеш кугу ойыртем. Ынде тиде чынжымак ӱдырамаш ден кызыт гына шочшо аза-влаклан тичмаш медицине полыш ден услугым пуымо кӱкшӧ профессиональный тӧнеж. Тыште ава ден йочалан пеш сай йӧным ыштыме. Эн ончычак Россий президент Владимир Владимирович Путинлан тауштымем шуэш. Лачшымак тудын кӱштымыж дене таче тыгай чапле корпусан лийынна. Тыште врач-влакланат: акушер, гинеколог да моло медицине персоналлан – йӧным ыштыме. Олмыктымо пашам пытарыме дене чыладамат саламлем. Социально кӱлешан объектым уэмдыме дене регионыштына аза шочмо чотат кугемеш манын ӱшанем», – палемден Юрий Зайцев.

Марий Эл Республикым вуйлатышын администрацийжын информаций пӧлкажын уверже негызеш М.ИВАНОВА ямдылен 

 

Опубликовать в Одноклассники

Добавить комментарий