Республикысе общеобразовательный организацийлаште Россий кӱкшытан «Ончыкылыкыш билет» проект кышкарыште паша умбакыже шуйна.
Тиде кечылаште Марий Турек районысо Ялозанлык механизаций техникумышто профессионал тергымаш эртен. Хлебниково, Карлыган Нартас школласе кугурак класслаште тунемше-влак ик жаплан поварыш, кондитерыш, сварщикыш савырненыт.
Профессионал тергымаш дене кылдалтше мероприятийыште «Ончыкылыкыш билет» проектын муниципальный кураторжо Ольга Курбатова лийын.
Г.Кожевникова
Фотом Марий Турек районысо образований пӧлкан сайтше гыч налме
