Марий Элысе Общероссийский калык фронтын самырык волонтёржо-влак Ростов областьыш гуманитар миссий дене каеныт.
Нуно гуманитар складлаште кок арня пашам ыштат: СВО-н сарзыже-влаклан кондымо кочкыш продуктым, вургемым, моло арверым автомашина гыч ястарат да сортироватлат, тыгак верысе калыклан полшат.
«Командыштына чылаже 14 еҥ улына, тӱҥ шотышто – Йошкар-Оласе тунемме заведений-шамычын студентышт. Складлаште ме специальный военный операцийыште участвоватлыше-влаклан элнан чыла регионжо гыч поген колтымо гуманитар полышым приниматлаш, фасоватлаш да сортироватлаш тӱҥалына. Тылеч посна маскироватлыше сетьым пидаш, верысе калыклан илышым шотыш кондаш полшаш палемденна», – палдара Калык фронтын молодёжный проект-влак шотышто координаторжо Анна Вылегжанина.
Республикысе Калык фронтым вуйлатыше Валентин Севастьяновын мутшо гыч, Марий Эл – самырык-влакын командыштым Ростов областьыш гуманитар миссий дене колтышо субъект-влак кокла гыч нылымше. Ончыкыжым тыгай пашаш Российын чыла регионжо гыч ОНФ-ын молодёжный командыже-влак ушнат.
М.ИВАНОВА
Фотом Марий Элысе ОНФ-ын штабше деч налме
