Марий Эл Республикыште илыше пагалыме еҥ-влак!
Марий Эл Республикын Кугыжаныш Погынжо лӱм дене тендам Россий Федераций Конституций кече дене саламлем!
Айдемым, тудын праваж ден эрыкшым тӱҥ поянлыклан шотлен увертарыше Тӱҥ Закон мемнан кугу элнан шуко курымаш историйыштыже чумыргышо опытым да сеҥымашым раш почын ончыкта, Россий кугыжанышым пеҥгыдемдымаште ӱшанле правовой негызлан шотлалтеш.
1993 ийыште приниматлыме Конституцийлан эҥертен, Россий куштылго огыл тергымаш гоч эртен, тичмашлыкшым да суверенитетшым арален коден.
Тыгодымак Тӱҥ Закон жапын да обществын йодмашышт дене келшышын вашталтын шогышо документлан шотлалтеш. Кызытсе илыш граждан-влакын негызлан шотлалтше праваштым ӱшанлын аралаш, суверенитет, еш да еш поянлык, исторический чын, культур поянлык гай умылымаш-влакым раш содержаний дене пойдараш йӧным пуышо у решенийым муаш кӱшта.
Кызыт Конституций мемнан ончыко каяш йӧным пуышо чоткыдо негызлан, Россий Федераций Президент В.В.Путинын тӱҥалтышыж почеш ямдылыме пеш кӱлешан национальный проект-влакым сайын шуктен толмо да кугыжанышнам вияҥдыме национальный цельыш шумо негызлан шотлалтеш.
Элын Тӱҥ Законжын нормыжым да йодмыжым пагалымаш да тӱрыснек шуктымаш – мемнан кокла гыч кажнынан гражданин семын шуктышаш порысшо, чын патриот улмым да Шочмо элым йӧратымым ончыктышо пример.
Кажне гражданинлан тиде пеш кӱлешан пайрем кечын чыла еҥлан тазалыкым, пиалым, тыныслыкым да илышыште чыла сайым, шочмо Марий кундемнан да мемнан тӱшка пӧртна – пеш кугу Российын пиалышт лӱмеш илышым тӱзатыме пашаште у сеҥымашым тыланем!
Марий Эл Республикын Кугыжаныш Погынжын Председательже А.В.Смирнов
