Административно наказатлыме пагыт мыняр шуйна?
О.Морозов
Йошкар-Ола.
Йодышлан Медведево районысо прокурорын полышкалышыже С.Захарова вашештен:
– РФ-н «Административный правам пудыртымаш нерген кодексше» дене келшышын, административный наказаний гражданинын да моло лица-шамычын административный правам пудыртымыштлан да нунын велым вес гана тыгай ошкыл ынже лий манын палемдалтеш. Административный наказанийым палемдымым пеҥгыдемдыше пунчал лекме деч вара, идалык эртымеке, тудо вийым йомдарышылан шотлалтеш. Идалык эртымеке, гражданин административно наказатлымылан ок шотлалт. Тиде чыла тӱрлӧ административный наказанийым авалта.
Административный наказанийым штраф семын палемдыме годым, гражданинын тудым шке кумылын але виеш тӱлымекыже шӧралтеш.
Административный наказаний арестоватлыме але посна права деч посна кодымо дене кылдалтын гын, срокшо пунчалыште вигак ончыкталтеш. Административный наказаний, идалык эртымеке, автоматически шӧралтеш.
