Таче специальный военный операцийым эртарыме кумдыкыш гуманитар грузан черетан конвойым колтат.
Ты гана тудым республикнан вич муниципальный районыштыжо илыше калык, кучем орган ден добровольческий объединений-влак чумыреныт.
Сарзе землякна-шамычлан мотоциклым, кок УАЗ-«буханке» автомобильым (иктыжым Марий Элым вуйлатыше Юрий Зайцевын кӱштымыж почеш налме, весыжым – Волжский район гыч волонтёр организацийын средстваж кӱшеш), вакшыш шартышым, маскироватлыше сетьым, канистрлашке темкалыме йӱшаш вӱдым, лӱман пӧлекым ямдылыме.
Тыгак Запорожский область дене ыштыме келшыкын кышкарыштыже Куйбышев районысо медицине организаций-влаклан «Геникс» НПФ-н дезинфицироватлыше 780 килограмм средствыжым колтымо.
Йочапӧрт ден черкылан йоча вургемым погымо.
Грузым чумырымо, колтымо, намиен шуктымо да посылке-шамычым кидышкак кучыктымо пашам Марий Эл правительстве председательын алмаштышыже Степан Воронцов эскера. Тудын увертарымыж почеш, гуманитар груз чарныде чумыралтеш. Юрий Зайцев командир да военнослужащий-влак дене пеҥгыде кылым куча. Кӱштымыж почеш, кӱлешан снаряжений, ӱзгар, вургем, сату, кочкыш нерген увер жапыштыже рашемдалтеш.
Марий Эл Республикым вуйлатышын администрацийжын информаций пӧлкажын уверже негызеш М.ИВАНОВА ямдылен
