10 декабрьыште Йошкар-Оласе Благовещений кафедральный соборышто марий йылме дене литургий лиеш.
Тудо Марий тиште кечылан да икымше марий йылме грамматикын лекмыжлан 250 ий теммылан пӧлеклалтеш.
Литургийым Йошкар-Оласе да Марий митрополит Иоанн ден Волжск да Шернур епископ Иоанн (снимкыште) эртараш тӱҥалыт. Мероприятийыш марий митрополийын черке пашаеҥже, кусарыше комиссийын еҥже-влак ушнат.
Литургий деч вара соборын трапезныйыштыже кечывал кочкыш лиеш. 12 шагатлан Православий рӱдерыште «Марий кундемысе калыкым сотемдарыме пашаште Марий тиштын рольжо» йодыш дене «йыргешке ӱстел» йыр мутланымаш тарвана.
Фотом «Православие в Марий Эл» воктыл лаштык гыч налме.
