Марий Элыш «кудалын»
6-10 июльышто спорт туризм дене В.Кондратьевым шарныме лӱмеш всероссийский таҥасымаш гыч Марий Элын командыже сеҥымаш кубок дене пӧртылын.
Тудо Москва областьыште эртен. Пытартыш кечын спортсмен-шамыч кужу дистанцийыште вийыштым тергеныт (5 класс). Пӧръеҥ-влак коклаште икымше верым регионна гыч Р.Урдяков, М.Тарасов, В.Демьянов, М.Петров налыныт. Ты группыштак Г.Дмитриев, М.Захаров, К.Рожков, С.Ложкин бронзо призёр лийыныт. Юниор-шамыч тӱшкаште А.Андреев, С.Дмитриев, Р.Бормотов, Р.Павлов кумшо верыш лектыныт. Юноши группышто И.Дмитриев, И.Лыжин, Д.Назаров, В.Рыков ший медальын озаже лийыныт.
Сборный командыш «Виктория» СШОР-ын, «Азимут» йоча-юношеский рӱдерын воспитанникышт логалыныт.
Спортсмен, тыгак тренер-влакым (С.Фёдоровым, И.Извозчиковам, С.Волковым) шокшын саламлена, пеҥгыде тазалыкым тыланена.
Е.Эшкинина.
