Олимпийский резерв училищын воспитанникше 19 ияш куштылго атлет Никита Чирков 400 метр кужытышто Марий Элын рекордшым шынден.
Российын чемпионатше Москваште, ЦСКА манежыште эртен. Никита шке тўшкаштыже визымше, чыла участник коклаште 34-ше лийын.
Тренерже К.Лукьяновын палемдымыж почеш, февраль тӱҥалтыште рвезе грипп дене черланен. Таҥасымаш деч лу кече ончыч гына тудо тєрланен.
– Такшым Никита 800 метр кутышым сайын куржталеш. Мутлан, ПФО-н первенствыштыже бронзо призёр лийын. Ты гана кок пачаш кӱчыкырак дистанцийым куржын. Туге гынат результатым саемден (50,60 сек), – манеш тренерже Константин Петрович. – Чаманаш гына кодеш, таҥасымаш деч ончыч рвезе черланен. Сандене шонымо результатыш шуын кертын огыл. Рвезе Параньга район гыч, ончыкылан сай ӱшаным пуа. Тыршыше рвезе.
Тиде кужытышто кеҥеж рекордым (48,67 сек) Николай Иванушкин шынден. Тудат куштлыго атлетике дене элнан чемпионатыштыже вийжым терген. Николай 800 метр кужытышто 22-шо лийын. Тыгак тудо 1500 метрым 3:57,68 минутышто куржын эртен. Республикна гыч эше ик спорсмен, Артём Маликов, 800 метрыште сай результатым (1:58,12мин) ончыктен.
Е.ЭШКИНИНА
