НОВОСТИ СПОРТ

Кава гыч – парашют дене

Кава гыч – парашют дене
22-24 июльышто Марий Элыште Российын Геройжо Марк Евтюхиным шарныме лӱмеш парашют спорт дене всероссийский таҥасымаш лиеш.
Тудлан Марий Элысе молодёжный политике, спорт да туризм министерство, Россий да регионнан парашют спортын федерацийышт, Россий ДОСААФ-ын Марий Элысе региональный пєлкаже вооружённый конфликтлаште вуйым пыштыше-влакын ешыштым, запасыште улшо, военнослужащий-шамычым поддерживатлыме, 6-шо ротым шарныме лӱмеш эртарат.
Йошкар-Оласе авиационно-спортивный клубын чоҥештылме пасушкыжо элнан шым регионжо гыч 45 спортсмен чумыргышаш.
Таҥасымаш 23 июльышто 9 шагатлан тӱҥалеш. Экстремал спорт мероприятийым 12 шагатлан торжественно почыт. Мутат уке, ямдылалтме шотышто кугу паша Йошкар-Оласе авиационно-спортивный клубын командыжлан, вуйлатышыже Зуфар Сафинлан логалын.
Россий ДОСААФ-ын Марий Элысе региональный пӧлкаже регионыштына илыше да парашют дене тӧршташ кумылан-шамычым пагален ӱжеш. Лекше йодышым https://vk.kom/dosaaf12ru адрес дене рашемдаш лиеш.
Е.Эшкинина.

Опубликовать в Одноклассники

Добавить комментарий