Спорт туризм дене Российын первенствыштыже общекомандный зачётышто Марий Эл кокымшо верым сеҥен налын.
Таҥасымаш 3-8 августышто Пенза областьыште эртен. Тушто Российын 33 регионжо гыч 500 наре спортсмен вийым терген. Марий Элын командыштыже Йошкар-Оласе «Виктория» спортшкол ден «Азимут» рӱдерын воспитанникше-влак лийыныт.
Первенстве тӱшкан таҥасымаш-влак дене мучашлалтын. Тушто мемнан юниор-влак Российын ик эн тале спортсменже-влак семын палемдалтыныт. 1-ше верыш К.Рожковын, М.Захаровын, М.Петровын да И.Дмитриевын группышт лектын да шӧртньӧ медальым сеҥен налын. «14-15 ияш рвезе-влак» группышто лийше А.Казанцев, Д.Полушин, Г.Тимофеев да М.Гаврилов кокымшо вер дене палемдалтыныт.
Г.Кожевникова
Фотом Марий Эл Спорт да туризм министерствын сайтше гыч налме
