«Гринландий» автор муро всероссийский фестивальын оргкомитетше Тӱвыра инициативе президент фондын полшымыж дене эртыше «Отчизны верные сыны» заочный муро-поэзий конкурсым иктешлен.
Ты конкурсышто Марий Эл гыч кок еҥ дипломант лийын. Тиде Йошкар-Ола гыч Андрей Шурыгин ден Кужэҥер район гыч Мария Радецкая.
Авторитетан жюри, кушто сопредседатель семын Российын сулло артистше Сергей Трофимов ден РФ сымыктышын сулло деятельже Александр Шаганов лийыныт, кажне тылзын иктешлымашым ыштен да дипломант-влакым палемденыт. Усталык марафонын шым тылзыштыже чумыржо 222 участник дипломант лийын, нунын кокла гыч 15 лауреатым ойыреныт.
Тений фестивальын заочный конкурсын тӱҥ темыже тыгай лийыныт: кугезына-влакын Кугу Отечественный сар жапыште ончыктымо подвигышт, СВО эртыме кундемыште Шочмо элым аралыше-влакын героизмышт, российысе калык-влакын икоян улмышт.
Снимкылаште: Андрей Шурыгин; Мария Радецкая.
Фотом конкурсын сайтше гыч налме.
