Марий Эл гыч еҥ-влак Знание.Премия просветитель наградын Эксперт советышкыже пурталтыныт.
Тиде Марий кугыжаныш университетын молодёжь политике шотышто проректоржо Анастасия Кузнецова ден вузын деканже Сергей Журавлёв.
Эксперт советыш Российысе чыла регион гыч 381 еҥым пуртымо. Нуно 17 номинаций почеш федеральный спискым ыштат да Россий Федерацийын кажне субъектыштыже эн сай просветительым, тыгак просветитель проектым ойырат.
«Куд ийыште Знание.Премия Эксперт советше ныл пачаш наре кугемын. Тидыже кугыжаныш деятель ден вуйлатыше-влакын просветитель-влаклан да нунын проектыштлан кугурак тӱткышым ойыраш тӱҥалмыштым пеҥгыдемда», – палемден «Знание» Россий обществын генеральный директоржын алмаштышыже Кирилл Хвиль.
Знание.Премия – элнан тӱҥ просветитель награде. Тудым «Знание» Россий обществе 2021 ийыште учредитлен.
Г.Кожевникова
Фотом «Знание» обществын соцкылысе лаштыкше гыч налме.
