- Руаш сайын нӧлталтше манын, тушко вӱдеш шулыктарыме пареҥге крахмалым пыштыман. Адакшым, тыге ыштымеке, когыльо эрлашыжымат теве гына кӱэштме гай пушкыдо лиеш.
- Руашыш ру олмеш изишак коньякым ешараш темлалтеш. Тыге когыльо пушкыдо веле огыл, эше тамле пушан лиеш.
- Муношо пеҥгыде шоҥыш писынрак савырныже манын, лугымо (блендер дене пӱтырымӧ) деч ончыч сайын кылмыктыман, вара тушко икмыняр чӱчалтыш лимон сокым але изишак лимон кислотам ешарыман.
Муноптем, мӧҥгешла, шокшым йӧрата. Тудо сайын оваргыже манын, сакырложашым ешарыман.
- Жаритлыме мокш пушкыдо лийже манын, тул ӱмбаке шындыме деч ончыч сакырложашым шавалтыман.
- Кӱктымӧ але жаритлыме шылын ӱмбалже шӧртнялге тӱсан лийже манын шонеда гын, мӱйым йыгыза.
Л.Камалетдинова ямдылен
Л.Камалетдинован фотожо
