Марий Элыште Антинаркотический комиссийын черетан заседанийже лийын. Тудым республик вуйлатыше Юрий Зайцев эртарен.
Заседанийын пашашкыже кучемын федеральный органже-влакын территориальный органлаштын, республикысе исполнительный кучем орган-влакын, верысе самоуправлений да ведомство вуйлатыше-влак ушненыт.
Россий ФСИН-ын Марий Элысе управленийжын вуйлатышыжын пашажым шуктышо уголовно-исполнительный инспекцийлаште учетышто шогышо осужденный-шамыч коклаште ты шотышто профилактике пашам эртарыме нерген ойлен. 2024 ийыште наркотик дене кылдалтше преступленийым ыштыше 242 судитлалтше учет гоч эртен.
Республикысе Молодежный политике комитет председатель наркоманийым шижтарыме шотышто добровольческий толкыным вияҥдышашлан мо ышталтме дене палдарен. Тиде паша Марий Элыште Россий Федерацийын 2030 ий марте жаплан кугыжаныш антинаркотический политике стратегийже дене келшышын шукталтеш. Регионышто поро кумылым ончыктымо пашашке 14 гыч 35 ияш марте 38 % еҥ ушнен.
Республикын образований да науко министрже палдарен: ийготыш шудымо-влак шкеныштым келшен толдымын ынышт кучо, перныл ынышт кошт манын, школлаште да техникумлаште нуным тӱрлӧ мероприятийыш, волонтер пашашке ушаш тыршат.
Тыгак комиссий антинаркотический паша Кужэҥер районышто кузе шукталтме йодышым ончен лектын.
Марий Эл Республикым вуйлатышын пресс-службыжын уверже негызеш Любовь Камалетдинова ямдылен
