УВЕР ЙОГЫН

Лётчик лияш шонышо ракетчик

 23 февраль — Шочмо элым аралышын кечыже

Лётчик лияш шонышо ракетчик

Геройна – Киевско-Житомирский Кутузов орденан ракетной дивизийын запасыште улшо майоржо Сергей Дмитриевич Фурсов.

Тудо изи годсекак лётчик лияш шонен, сандене школ деч вара  умбакыже кушко каяш йодыш шоген огыл – Озаҥыш. А.Туполев лӱмеш авиационный институтыш тунемаш пурен. Тунеммыж годымак Татьяна Михайловна дене ешым чумыреныт. Варажым нуно коктынат 1979 ий гыч 1995 ий марте, Марий Элыш ракетный дивизийыште службым эртеныт. Фурсовмыт кок йочам ончен куштеныт. Кызыт сулен налме канышыште улыт.

Сергей Дмитриевич 17 ий ракетный полкышто боевой дежурствышто лийын. Вара ОСВ-2 договорын условий же почеш, тудын полкшым пытареныт, ракет шахте-шамычым пудештареныт. Палемдымыж почеш ракетный дивизион да управленийже икымше дежурствыш 1962 ийыште шогалыныт. А 1966 ийште дивизийын саркуралжым шахтный ракетный комплекс алмаштеныт, тудыжым вара ОСВ-2 договор почеш пудештареныт. 1985 ий гыч боевой дежурствыш «Тополь» ракетный комплексым шогалтеныт. Сергей Дмитриевич Совет да Россий армийысе службо жапшым порын  гына шарналта.

– Тыныс жапыште ракетчик-влакын особый кугыжаныш задачыштлан боевой дежурство шотлалтеш, – кугешнен ойла майор С.Фурсов. Таклан огыл  тудым «За боевые заслуги» медаль дене палемденыт.

М. СКОБЕЛЕВ

Снимкылаште: 1792 – Майор запаса С. Фурсов. РС-12 -Ракетный комплекс.1 773м – Ракете шахтыште. Фотом интернет гыч налме.

 

Опубликовать в Одноклассники

Добавить комментарий