20204 ийыште, «Земский врач» да «Земский фельдшер» программе-влак дене келшышын, Марий Элыште 15 врач, кыдалаш медицине шинчымашан 10 пашаеҥ дене – чылаже 25 ойпидышым пеҥгыдемдыме.
Марий Элысе тӱрлӧ яллашке 5 врач да 10 эмлыше, ола шотан посёлкыш 7 врач, а 50 тӱжем еҥ деч шагалрак илыме олалашке 3 врач каен. Асфальтдыме корно але корно укеан торарак (райцентр деч 15 км ӧрдыжтырак верланыше) яллаште 12 медик тырша. Район еда ончалаш гын, сӱрет тыгайрак:
Медведево ЦРБ – 7 земский врач да 1 медпашаеҥ,
Звенигово ЦРБ – 3 врач да 1 медпашаеҥ,
Козьмодемьянск район кокласе больнице – 2 врач да 1 медпашаеҥ,
Шернур ЦРБ – 4 медпашаеҥ,
Советский ЦРБ, Республикысе наркодиспансер да Республикысе психиатрий больнице – 1 земский врач дене,
Волжский ЦРБ, Килемар райбольнице, Марий Турек ЦРБ – 1 медпашаеҥ дене.
*Земский программе илышыш шыҥдаралташ тӱҥалме 2012 ий гыч тазалыкым аралыше чылаже 278 пашаеҥ – нунын коклаште 228 врач да кыдалаш шинчымашым налше 50 медицине специалист – дене ойпидышым пеҥгыдемдыме.
*Ойпидыш почеш ик гана тӱлыман компенсационный выплатым налме деч вара шке обязательствыштым шуктымекат, 33 врач да кыдалаш звенон 8 пашаеҥже «Земский врач» да «Земский фельдшер» программыла почеш толмо медицине организацийыштак пашам ышташ кодыныт.
(Марий Элын тазалык аралымаш министерствыжын уверже-влак негызеш)
Лидия Семенова
