Марий Элыште илыше-влакым Знание.Лектор Россий кӱкшытан конкурсыш ушнаш ӱжыт.
2024 ийыште Марий Эл гыч тушко 101 йодмаш пурен, тышеч финалыш А.С.Пушкин лӱмеш 4-ше №-ан гимназийыште (Йошкар-Ола) руш йылмым да литературым туныктышо Екатерина Матвеева лектын.
У (визымше) сезонышто конкурсант-влак онлайн-тунеммашым, тестым эртышаш улыт. Тидын деч вара кажныже темлыме материал почеш очный лекцийым эртарышаш да авторский лекцийжым аралышаш. Выступлений-влак лу номинаций почеш лийыт.
Ты гана кугыеҥ-влак коклаште 100 еҥым сеҥыше семын палемдат, самырык-влак кокла гыч – 21-ым.
Йодмашым проектын сайтыштыже 2025 ий 15 июль марте пуаш лиеш, тыгодым «Самырык лектор» номинацийыш 15 июнь марте гына налыт.
Г.Кожевникова
Фотом «Знание» обществын пресс-службыж гыч налме
