Таче Марий Эл Кугыжаныш Погынын латикымше сессийже эртен.
Заседанийын паша радамышкыже 15 йодышым пуртымо. Депутат-влак шуко шочшан еш-влаклан юридический полышым яра налаш правам, Йошкар-Оласе кучем орган-шамычлан руштшо граждан-влаклан полышым пуымо шотышто полномочийым, налог законодательствыште вашталтышым пеҥгыдемденыт, тыгак верысе шкевиктем сферым тӧрлышӧ базовый манме законын у вариантшым да «Марий Эл Республикыште умылыман бизнесым вияҥдыме нерген» законын проектшым онченыт.
Парламентарий-влак «Марий Эл Республикыште административный правам пудыртымо нерген» законыш икмыняр тӧрлатымашым пуртеныт. Тылеч посна У Торъял районышто икмыняр илемым иктыш ушаш пунчалыныт, бюджет правоотношений, молодёжный политике да культур аланлаште республик законым федерал законодательствылан келыштареныт.
Маргарита ИВАНОВА
М.Иванован фотожо.
