Россий мучко эртаралтше ДОСТИЖЕНИЯ.РФ акцийыш Марий Элат ушнен да ойыртемалтше 11 сеҥымашыже-влакым йӱклымашке луктын.
Ынде икмыняр жап «Акашевский сурткайык фабрике» ООО – эн ончылно. Изарня эрланат сӱрет вашталтын огыл. Тудо икымше верыштак кодын. Тиде проект верч 15293 еҥ йӱклен.
Кокымшо верыштат кызытат – «Сӧснам ашныме у тукым предприятий» ООО. Тудлан еҥ-влак 9695 йӱкым пуэныт. Кумшо верыштат уэш – «Марий балет». Таче эрлан тудо 3201 йӱкым поген. «Курыкмарий район» – алят нылымше верыштак.
Ушештарена: регионын эн сай проектше-влаклан теат, пагалыме лудшына-влак, шке йӱкдам достижения.рф сайтыште пуэн кертыда.
Л.Камалетдинова
