Марий Элыш «Россия 24» телеканалын пашаче тӱшкаже толын.
1-8 декабрьыште тудын еҥже-влак мемнан республик нерген кугу репортажым ямдылаш тӱҥалыт. Тӱҥ шонымашыже – республикым вияҥдымаште тыршыше, у йӧн-влакым кучылтшо, молыланат паша верым ыштыше посна еҥ, предприятий-влак нерген палдарыме гоч Марий кундемын сай велке вашталт толмыжым ончыкташ. Тыгак туризм, унам вашлийме сфере, сылне верла нерген материалым чумырат. А мом войзымыжым вес ийын «Деловое путешествие» передачыште ончыкташ палемдыме.
Фотом «Туризм в Республике Марий Эл» воткыл лаштык гыч налме.
