Марий Элыште 17 май марте пожар ваштареш кучедалме посна режимым пуртымо нерген увертаренна ыле.
Кодшо кечылаште Волжский районысо Алексеевский (0,3 га) да Звенигово районысо Кокшайск (0,35 га) лесничествылаште чодыра йӱлен. Утарыше-влак нуным писын йӧртен кертыныт.
Марий Элын Пӱртӱс поянлык, экологий да йырым-йырысе средам аралыме министерствын воткыл лаштыкше (архив) гыч налме фото.
