Кужэҥер район администрацийын, турист сферын пашаеҥже, предпринимательже-влак Вятский Увал кумдыкыш пурышо верлам ончал савырненыт.
Тӱрысшӧ 150 наре километрым эртеныт. Тидыже ик шонымаш дене ышталтын? Районышто турист маршрутым почаш шонат. Тидлан кӧрак маршрутыш пуртышашлык объект-влакым рашемдаш кӱлын. Тачысе кечылан тушко пурташ палемдыме:
• Изи Чарнур деч тораште огыл йоген кайыше Немда эҥер тӱҥалтыште Спиридон святитель, Тримифунтский епископлан памашым;
• Салтакъял селаште пӱям да пляжым;
• Шӱдымарий ял воктене карстовый сынан мландын волен кайыме кумдыкым;
• Кульшит (Марий Отар) почиҥгам;
• Визимбирь ялысе «Марий Швейцарий» каныме базым;
• Йӱледӱр селасе святой апостол-влак Петр ден Павеллан храмым;
• Купсола ял воктене йоген кайыше Нольке эҥер пелен шуко памашан кумдыкым;
• Сабер ялыште святитель Лука Крымский лӱмеш памашым.
Светлана Носова
Фотом районысо администрацийын воткыл лаштыкше гыч налме.
