«Студент шошо» ХХХ Россий фестиваль тений майыште Самара олаште эрта. Кызыт тудын организаторжо-влак шке кумылын полышым пуаш ямде улшо ӱдыр-рвезе-влакым кычалыт.
Фестивальлан программым чоҥымаште, тудын концертшым эртарымаште, уна-влакым вашлиймаште волонтёр-влак кӱлыт. Тыгак медиа службо еҥ радамышкат ушнаш йӧн уло. Кумылда уло гын, 31 январь марте dobro.ru сайтыште йодмашым колтыза.
О.МОШКИНА
