18-22 июльышто Кужэҥер район Руш Шойышто Россий кӱкшытан Марий самырык тукым слёт эрта. Тений тудо латвизымше гана лиеш.
Ушештарена, слётын ик эн тӱҥ шонымашыже – марий самырык тукым коклаште ончыко вӱден кайыше еҥым кушташ, мер илышыш ушаш.
Программым ямдылыме да эртарыме пашаште Марий Эл тӱвыра, печать да калык-влакын пашашт шотышто министерстве, Молодёжь комитет, Мер каҥаш, тыгак «Социальный инициативе рӱдер», «ЭрВий», «ВийАр» ушем-влак тыршеныт.
Слётын кажне кечынже ӱдыр-рвезе-влакым тунеммаш (марий йылме, краеведений, марий йӱла, оратор мастарлык дене занятий-шамыч), лекций, оҥай да пайдале вашлиймаш-влак (психолог, спорт мастер да моло дене) вучат. Тыгак калык кидпаша мастерскойлаште, тӱрлӧ (театральный, проектым ыштыме дене кылдалтше да моло) студийлаште моштымашым вияҥдаш йӧн лиеш.
Г.Кожевникова
