Шушаш шуматкечын, 23 апрельыште, Йошкар-Олаште, Чарла Кремльыште, Кугече вашеш ялозанлык ярмиҥга лиеш.
Тудо 9 шагатлан тӱналеш да 15 шагат марте эртаралтеш.
Кумылан-влак тушто верысе производитель-шамыч деч сӧсна, ушкал, чыве, немыччыве (индюк) шылым, шӧр-торыкым, чыве, пулдырчо муным, мӱйым, емыжым, пакчасаскам, кинде-булко да кондитер кочкыш йӧрварым, икмыняр молым налын кертыт.
Вес гана тыгай ялозанлык ярмиҥга 30 апрельыште лиеш.
Л.Камалетдинова
