Йошкар-Олаште верланыше Йоча да самырык-влакын технический усталык рӱдерыштын командыже Санкт Петербургышто эртыше кок таҥасымашыште моштымашым ончыктеныт да коктыштыжат республикнан чапшым кӱшнӧ кученыт.
Икымшыже – радиотехнический дисциплине-влак дене шанче-технике олимпиадын финалже. Тушто рӱдерын туныктышыжо Ольга Дубникован вуйлатымыж почеш йоча-влак «Скоростной радиотелеграфий» номинацийыште таҥасеныт. А кокымшыжо – радиоспорт дене конкурс.
Чылаже 20 команде лийын, мемнан самырык радист-влак кокымшо верыш лектыныт!
