3-8 мартыште Китай Калык Республикын Пекин ден Санье олалаштыже «Диво Мира» туристический видео тӱнямбал фестиваль-конкурсын икымше этапшын финалже эртен.
Тушко 12 эл – Беларусь, Индонезий, Индий, Иорданий, Катар, Китай, Киргизий, ОАЭ, Оман, Турций, Узбекистан да Россий – гыч 125 видеопроект темлалтын.
Марий Эл гыч «Замок Шереметева. Волшебство повсюду» проект ончыкталтын. Тудым «Шаблий» киностудий ямдылен. Ролик «Модман фильм» категорийыште икымше верым сеҥен налын.
Ты киностудийынак вес кок роликшат палемдалтын: «Йошкар-Ола театральная» ролик «Ола-влак» категорийыште 2-шо вер да «Нити традиций мари» ролик «Тӱвыра туризм» категорийыште тыгак 2-шо вер дене.
Режиссер Денис Шаблий ВКонтакте воткыл лаштыкыштыже тӱнямбал кӱкшытыштӧ сеҥымаш дене шке командыжым саламлен да партнёр-влаклан тауштен.
