Марий кумалтышын чинче тушыжо:
Малаш вочмо деч ончыч пелештыме мут:
«Поро Ош Кугу Юмо, пеш кугу тау, таче тичмаш кечым пуышыч, сомыллан полшышыч, кече мучко сайын кондештарышыч.
Ош Кугу Юмо, шоналтыме шонышыштем, пелештыме мутыштем, ыштыме пашаштем йоҥылыш лиймемлан савырым ыште, пореш колто. Полшо ончыкыжо сай-поро шоныш дене, лыжга-яндар шӱлыш дене илаш, порын водым эртараш, сай-тыныс возын канаш, капкылемым куштылемдаш».
ЭрВел Семонын (Новиковын) «Сандалык – Ош Кугу Юмо» книгаж гыч налме.
Черке йӱла почеш:
8 апрель – архангел Гавриилын погынжо.
13 апрель – тоштыеҥым уштымо кече.
18 март гыч 4 май марте – Кугече деч ончыч пӱтым кучымо пагыт.
Ужалыме-налме пашалан полыш
Сочавский великомученик Иоанн Новыйлан пелештыме тропарь:
«Орланыше Иоанн, мланде ӱмбалнысе илышым порын виктарен, чаманымашет, чӱчкыдын кумалмет да шинчавӱдет дене, орланымаш деке пӧръеҥ семын лӱдде кайымет дене перс-влакын ондалмаштым тӱжваке луктынат. Тидын дене Черкым пеҥгыдемденат да христиан-влакын еҥышт да эреак шарныме У Иоанн лийынат».
«Марла молитва-влак» книга гыч налме.2005 ий
Калык пале:
Агытан кечывалым ок муро – кок-кум кече гыч йӱр толеш.
Пыл ора-влак кӱшнӧ писын ийыт – сай игече лиеш.
Шошымсо вӱдшор годым вӱд чот ташла – шудо сайын шочеш.
Кайыккомбо-влак кӱшыч чоҥештен толыт – йӱр шуко лиеш, ӱлыч – шагал.
Шошым икымше гана кӱдырчӧ мардежан игечыште кӱдырта гын, шошо йӱштӧ лиеш.
Шарнаш кодшо ой:
Окса мэлым ок шел.
Шукырак колышт, шагалрак ойло.
Куштышо ойгыраш ок ярсе.
Намыс деч шылаш ок лий.
Мӱшкырет шужа гын, коҥгамбачет волет.
Тӱҥалтышыже лийже, мучашыжым кандырам кӱрлынат ыштена.
Поро мут корштышо шӱмымат паремда.
Шкендым шке ит мокто, кузе еҥ мокта колышт.
Кумыл лиеш гын, кид-йол толеш.
А.Е.Китиковын «Калыкмут» книгаж гыч налме.
Фен-шуй почеш:
Пӧлекым ыштыме годым писе вуян арверым кучыкташ ок темлалт. Тиде икте-весе дене сырымашым луктын кертеш, поснак – еш мужыр коклаште.
Илыме верыште пӱсӧ лук шагалрак лийшаш. Тыгайже уло гын, тудым декор, мебель дене петыраш тыршыман. Мебельжат пӱсӧ лукан лийшаш огыл.
Пачерыште ма суртышто шкендан сеҥымашым ончыктышо чапкагазым, тӱрлӧ арверым яшлыкыште монь шылтен кийыктыман огыл, нуным вераҥдаш посна секторым – «Чап зоным» келыштарыман.
С.Носова ямдылен
Снимкыште: Йошкар-Ола воктенысе каныме ик базыште верблюдымат ниялташ лиеш.
Авторын фотожо
