Марий кумалтышын чинче тушыжо
«Поро Ош Кугу Юмо, шонен коштмаште, йылме дене ойлымаште, шинча дене ончымаште, пашам ыштымаште, йӱмаш-кочмаште сулыкыш пуренам гын, языкем касаре, шонен шуктыдегеч ыштымемлан савырым ыште, пореш колто».
«Поро Кугу Юмо, кугу тау мланде ӱмбаке колтыметлан, йӱктен-пукшен-ончен ашныметлан, вуйым да уш-акылым пуыметлан».
В.Т.Михайловын «Калык ойпого – калык чон поянлык» книгаж гыч налме
Сай койыш, сай йӱла дене илышашлан айдеме мом ыштышаш? (Умбакыже)
1.Олыкышто, аланыште, тулеч моло верлаште шудым солымо годым верын-верын шудым солыде кодыман. Тыге кодымо шудын тушыжо мландыш возешат, шушаш ийлан угычын сай шудым шочыкта. Адакшым солыде кодымо тыгай верыште лыве-влакын илыме вер лиеш.
2.Туш дене ӧрчышӧ емыжым погымо годым икмыняр сай, таза емыж пырчыжым пушеҥгешак кодыман. Ты емыж пырче гыч угычын сай емыжан пушеҥге кушкеш.
3.Пасушто шурным погымеке, уто олымжым тыгыдемден да шалатен, пасуэшак кодыман.
ЭрВел Семонын (Новиковын) «Сандалык – Ош Кугу Юмо» книгаж гыч налме.
Черке йӱла почеш:
8 март – Москвасе поро пиалан Матронушка аван мощьыжым мумо кече.
9 март – Тоштыеҥым уштымо кече. Христос ончыч Толшо да Тудым Тынеш пуртышо пеш чапле Иоанн пророкын вуйгоҥгыражым икымше да кокымшо гана мумаш.
Юмым шочыктышо Авалан молитва:
«О Эн Святой Владычице, Юмым Шочыктышо Ӱдыр, Шке леведышет йымалне икшывем-влакым (лӱмышт), чыла ӱдыр-эргым да азам, тынеш пуртымо-влакым, да эше лӱмым пуэн шуктыдымо але аван мӱшкырыштӧ улшо-влакым утаре да арале. Шке авалык вургемет дене нуным левед. Юмо деч лӱдшӧ да ача-ава-влакым колыштшо лийышт манын, Господь Юмемым да Шке эргычым сӧрвале, нунылан утаралташ мо кӱлешыжым пуыжо. Тыйын Ава аралтышетлан нуным пуэм, вет Тый икшывет-влаклан Юмын Леведышыже улат.
«Марла молитва-влак» книга гыч налме. 2005 ий.
Шарнаш кодшо ой
Йолагай йылмыж дене пӱям пӱяла.
Корнышто уждымым ужат, колдымым колат.
Айда-лийже ыштет гын, пашан шотшо ок лий.
Поро еҥым маскат ок тӱкӧ.
Писе еҥын агытанжат писе.
Поч вуй деч кугу ок лий.
Вустык урлык гыч туто пырчым ит вучо.
Тунемаш шонышым пӱрымаш вӱден наҥгая, шала-вула еҥым шӱдырен наҥгая.
А.Е.Китиковын «Калыкмут» книгаж гыч налме.
С.Носова ямдылен
Авторын фотожо
