Йошкар-Олаште, Г.Константинов лӱмеш руш академический драме театр воктенысе Руш мландывалне волгалтше чыла святой-влаклан часамла шке омсажым почын.
Тудо Благовещенский соборын часамлажлан шотлалтеш. Йошкар-Ола да Марий епархийын пресс-службыжын увертарымыж почеш, тудо шуматкече да рушарня еда пашам ышташ тӱҥалеш. Шуматкечын 9 шагатат пелыште гыч 11 шагат марте почмо лиеш. 10 шагатлан колышо-влаклан панихидым эртарат. А рушарнян часамла 11 шагат гыч 13 шагат марте почмо лиеш. 12 шагатлан Руш мландывалне волгалтше чыла святой-влаклан акафистан молебеным эртарат.
С.Носова
Фотом Йошкар-Ола да Марий епархийын соцкыл лаштыкше гыч налме
