Йошкар-Олаште бард-музыкант-влакын «Ме шарнена» муро да позий VIII фестивальышт эртен.
Организаторжо – республикысе Марий тӱвыра рӱдер. Сайын палыме бард мурызо Геннадий Григорьев шке йырже тудын гаяк шоктен мураш, тыгак почеламутым йӧратыше йолташыже-влакым тушко чумырен. Фестивальыш отставкыште военный, Россий Писатель ушемын еҥже, самырык поэт-влак, Наталья Мушкинан вуйлатыме «Марий хор» ушненыт. Фестиваль Кугу Сеҥымашын 80 ияш лӱмгечыжлан да Шочмо элым аралыше-влакын идалыкыштлан пӧлеклалтын.
Фотом Марий тӱвыра рӱдерын воткыл лаштыкше гыч налме
