Святитель Николайын кечынже У Торъял район Петричата ялыште крестный ход эртен.
Юмылан ӱшаныше-влак Элембай черке гыч Николай Чудотворецлан ялысе памаш марте 8 километрым каеныт. Ончыч Андрей Критский лӱмеш черкыште Сергий ача литургийым эртарен. Вара чылан пырля ты святительын тошто юмоҥаж дене корныш лектыныт.
Памаш деке ырес дене кайыме йӱлам тыште ты кечын 12 ий наре эртарат. Петричата ял калык тидлан ончылгоч ямдылалтеш. Памаш кумдыкшым кажне ийын тӱзатен шындат. Ты гана Кеҥеж Миколо кечым палемдаш вес районла гычат толшо-влак лийыныт. Йӱлам эртарыме деч вара чылаштым кол шӱр денат сийлен колтеныт.
С.Носова
Снимкыште: тӱзатен шындыме памаш кумдык чоным куандара.
П.Садовинын фотожо
